Ebazpenean agertzen denez, diktadore
argentinarrak "10 urtetik beherako haurrak lapurtu, atxiki eta
ezkutatzen zituen iraultzaileak desagerrarazteko plan baten baitan".
Eitb.com, Erredakzioa, 06/07/2012 07:20:00
Argentinako Justiziak 50 urteko kartzela-zigorra ezarri dio Jorge Rafael Videla diktadore ohiari azken diktadura militarrean (1976-1983)
etengabe haurrak lapurtzeagatik.
Videla izan zen erregimen
militarraren agintari nagusia, baina berekin batera zigortu dituzte, 15
urtera, Reynaldo Bignone diktaduraren azken presidentea, eta garai
hartako beste 8 agintari.
Ebazpenean agertzen denez, diktadore
argentinarrak "10 urtetik beherako haurrak lapurtu, atxiki eta
ezkutatzen zituen etengabe", diktadura garaiko "iraultzaileak
desagerrarazteko plan baten baitan".
Buenos Aireseko Auzitegian
egindako epaiketan biktima eta biktimen senide ugari elkartu dira eta
oso pozik hartu dute ebazpena. Biktimen poztasun oihuen aurrean, 86
urteko diktadoreak ez du aurpegia aldatu ere egin; izan ere, Videlak
dagoeneko bi biziarteko kartzela-zigor ditu.
34 lapurreta
Epaiketan 34 haur lapurturen kasuak ikertu dituzte. Haur horietako gehienak kartzeletan edo atxilotze zentroetan jaio ziren.
2011ko otsailean hasi zen prozesua, Maiatzeko Plazako Amonek duela 15 urte baino gehiago aurkeztutako salaketa baten harira.
Auzi-saioetan
lekuko askok deklaratu dute, Videlak besteak beste. Diktadoreak ukatu
egin zuen haurrak lapurtzeko plana egin zuela eta haur horien amak
"terrorismoaren militanteak" zirela eta "haurrak giza ezkutu bezala"
erabiltzen zituztela salatu zuen.
Informazio gehiago
- Videlari biziarteko kartzela-zigorra ezarri diote bigarren aldiz
- Vídeo: El corresponsal de BBC Mundo en Argentina, Vladimir Hernández, conversó con Victoria Montenegro, quien en enero de 1976 fue hecha desaparecer junto a sus padres y fue entregada en adopción a una familia afín al régimen militar. más
No hay comentarios:
Publicar un comentario